Aşırım

Alp dağlarının qarlı yamacında, Almaniya ilə Avstriyanın sərhəd xəttində kişi meyiti aşkarlanır. Ekspertiza qurbanın bura öləndən sonra gətirildiyini, sənədlərinin saxta olduğunu və əlində at tükündən hazırlanmış quyruq tutduğunu üzə çıxarır. Bu qəribə cinayəti araşdırmaq üçün hər iki ölkənin polis qüvvələri bir araya gəlir.

İşi birlikdə aparmaq almaniyalı Elli Stoker və avstriyalı Qedeon Vinterə həvalə olunur. Həyat dolu Elli çətin peşəsini asanlaşdırmağa çalışsa da, alkoqol asılılığı olan və böhran yaşayan Vinter tamamilə bədbin baxışlara malikdir. Xarakterləri fərqli olan bu iki xəfiyyə tezliklə qaniçən qatilin qurduğu təhlükəli tələ ilə üz-üzə qalır.

«Der Pass» adlı kriminal dram serialı rejissorlar Siril Boss və Filipp Ştennert tərəfindən lentə alınıb. Baş rolları Yuliya Yenç və Nikolas Ofçarek canlandırırlar, onlara Mattias Hak və Roni Herman yoldaşlıq edir. Almaniya və Avstriyanın müştərək istehsalı olan layihə 2018-ci ildə işıq üzü görüb və üç mövsümdən ibarətdir.