Həqiqi sima

Gənc Keyti Kaburaqi ər-arvadın amansız qətlində təqsirləndirilərək edam cəzasına məhkum edilir. Həbsxanaya aparılarkən o, nəzarətdən qaçmağı bacarır və dərhal bütün ölkə üzrə axtarışa verilir. Hüquq-mühafizə orqanları qaçağın izinə düşmək üçün genişmiqyaslı əməliyyata başlayır.

Təqibdən yayınmağa çalışan Keyti başqa adlar altında gizlənir və tez-tez yaşadığı yeri dəyişir. Qaçaq həyatı yaşamasına baxmayaraq, o, çətin vəziyyətə düşən insanların köməyinə çatır. Ondan dəstək görən şəxslər xilaskarlarının edama məhkum edilmiş bir cinayətkar olduğunu öyrəndikdə, onun həqiqətən qatil olmasına şübhə ilə yanaşırlar.

«Həqiqi sima» (Shoutai) adlı Yaponiya istehsalı kriminal detektiv serialı 2022-ci ildə nümayiş olunub. Layihənin rejissor kürsüsündə Hideo Nakata və Masaaki Taniquti əyləşib, əsas obrazları isə Kazuya Kamenasi, Hitomi Kuroki, Hayato İçihara və Şiori Kanciya canlandırıb.