Qaranquş

Asya Volkova sinif yoldaşının qətlində haqsız yerə təqsirləndirilərək on səkkiz illik həbs cəzasına məhkum edilir. Cəzaçəkmə müəssisəsində olarkən hamilə olduğunu anlayan qadın orada ölü uşaq dünyaya gətirir. İllər sonra azadlığa çıxdıqda o, xarici görkəmini və adını dəyişərək doğma Lastoçki qəsəbəsinə qayıtmaq qərarına gəlir.

Asyanın əsas niyyəti həyatını məhv edən və onu dəmir barmaqlıqlar arxasına salan insanlardan intiqam almaqdır. Əsas şübhəli kimi o, ilk sevgisi və körpəsinin atası olan Andreyi görür. Lakin keçmiş sevgilisi ilə qarşılaşdıqda hisslərinin hələ də ölmədiyini anlayır, üstəlik həbsxanada doğulan uşağın sağ qaldığı üzə çıxır.

«Qaranquş» («Ласточка») adlı Rusiya istehsalı detektiv serialı 2018-ci ildə ekranlara çıxıb. Layihənin rejissoru Denis Karrodur. Baş rolları Yekaterina Rednikova, İlya Noskov, Olqa Fadeyeva və Mixail Ximiçev canlandırıblar.