Şerif

Moskva cinayət axtarış şöbəsinin əməkdaşı Vasili Şaronov sərt baxışlarına və çətin xasiyyətinə görə həmkarları arasında «Şerif» ləqəbini alıb. Ağır təbiəti ucbatından vaxtilə həyat yoldaşı ondan ayrılıb, yeniyetmə oğlu isə onunla ünsiyyətdən qaçır. Həmişə həqiqəti birbaşa dediyi üçün rəhbərlik və iş yoldaşları da onunla çətinliklə dil tapır.

Bütün bunlara baxmayaraq, məhz bu cür əyilməzlik Şaronova ən mürəkkəb cinayətlərin izinə düşməyə kömək edir. Onunla eyni komandada şöbə rəisi Olqa Orlova, həmçinin əməliyyatçılar Zaur Xetaqurov və Yuri Klimçik çalışır. Onlar birgə işləyərək iş adamının yeməyinə atılmış kəsik qulağın sirrini açmalı, qətlin şahidi olmuş mənzil oğrusunu tapmalı və boynuna yalandan cinayət götürmüş boksçunu təmizə çıxarmalıdırlar.

Rusiyanın «Şerif» adlı detektiv serialı 2010-cu ildə çəkilib. Layihənin rejissoru Aleksandr Muratovdur, baş rollarda isə Nikolay Dobrınin, Yevgeniya Dobrovolskaya, Fərhad Mahmudov və Denis Vasilyev çəkiliblər. Ekran əsəri ümumilikdə iki mövsümdən ibarətdir.