Gəlincik

Qubernatorluq uğrunda gərgin siyasi mübarizə başlayır. Nüfuzlu dövlət xadimləri öz namizədləri Qridinin qələbəsini təmin etməyə çalışsalar da, şəhər meri Astraxanov və oliqarx Berlinski ona güclü rəqib çıxır. Jurnalist Kozlovun paytaxt qəzetində dərc olunan məqaləsi isə vəziyyəti daha da qarışdırır; o, qubernatora qarşı təşkil edilən sui-qəsdin daxili işlər idarəsi tərəfindən qurulduğunu iddia edir.

Çox keçmədən Kozlov öz mənzilində qətlə yetirilmiş halda tapılır və hüquq-mühafizə orqanları cinayətin sifarişli olduğunu bildirir. Rəsmi araşdırmalar davam edərkən, gizli bir şəxsin tapşırığı ilə Moskvadan vilayət mərkəzinə gələn xüsusi xəfiyyə Kravtsov da jurnalistin ölümünü araşdırmağa başlayır.

Kriminal detektiv janrındakı «Кукла» serialı 2002-ci ildə Ukraynada çəkilib. Layihənin rejissorları Vladimir Popkov və Boris Nebiyeridze, əsas rolların ifaçıları isə Sergey Şakurov, Aleksandr Dedyuşko, İqor Boçkin və Yevgeni Papernıdır.