Bir nəfəsə

Uğurlu sahibkar Vladimir Razloqovun həyatı qaydasında gedir. Tələbəlik illərindən dostluq etdiyi müavini Mark Voloşin onun əsas köməkçisidir. Şəxsi həyatında da sakitlik hökm sürür: həyat yoldaşı Qlafira onu sevir, tanınmış aktrisa olan keçmiş arvadı Marina ilə isə xoş münasibətlərini qoruyub saxlayır.

Gözlənilməz xəbər bu sakitliyi pozur: səhər buraxılışında Razloqovun bağ evində ürək tutmasından vəfat etdiyi bildirilir. Tək qalan Qlafira ərinin qəfil ölümünə inanmır. O, baş verənlərin arxasında kimin dayandığını və bu faciədə kimin günahkar olduğunu öyrənməyə qərar verir.

2014-cü ildə çəkilmiş Rusiya istehsalı detektiv serialı «Bir nəfəsə» rejissor Aleksandr Solovyov tərəfindən lentə alınıb. Baş rolları Daşa Çaruşa, Andrey Bilanov, İrina Qrinyova və Olqa Volkova canlandırıb.