Xilasedici

Xilasetmə dəstəsinin rəhbəri Georgi Uvarovun həyat yoldaşının müəmmalı şəkildə qətlə yetirilməsi Kareliya meşələri qoynunda yerləşən kiçik şəhərciyi sarsıdır. Həmin gün Georginin köhnə rəqibi olan yerli iş adamı Dmitri Novikovun ailəsi də yoxa çıxır. Əldə edilən bütün dəlillər hər iki hadisədə Uvarovun əli olduğunu göstərir.

«Xilasedici» serialının qəhrəmanı həyat yoldaşını qətlə yetirən əsl cinayətkarı tapmaq və adını təmizə çıxarmaq məcburiyyətində qalır. O, şəxsi itkisinə baxmayaraq peşə vəzifəsini yerinə yetirməli, alovlar içində qalmış meşələrdə Novikovun itkin düşmüş ailəsini xilas etməlidir.

2017-ci il istehsalı olan bu Rusiya detektiv ekran işinin quruluşçu rejissoru Aleksandra Butkodur. Əsas obrazları Aleksandr Paşkov, Mixail Ximiçev, Anna Arefyeva və Dmitri Vorobyov canlandırıblar.