Keçmişdən gələn partlayış

Uğurlu bizneslə məşğul olan keçmiş xüsusi təyinatlı mayor Nikolay Kovalyov qəfil sui-qəsdlə üzləşir. Hadisənin təfərrüatlarını araşdıran Nikolay anlayır ki, onun arxasınca keçmiş düşməni — kriminal avtoritet Mixas düşüb. Cinayətkar vaxtilə Kovalyovu və onun döyüş yoldaşı Rimmanı məhv edəcəyinə söz verib.

Kovalyov qisasçı cinayətkarı tapmaq üçün axtarışa başlayır. Bu yolda ona vaxtilə sevdiyi Rimma dəstək olur. Xüsusi hazırlıq bacarıqlarından istifadə edən cütlük addım-addım düşmənə yaxınlaşır, eyni zamanda yenidən alovlanan hissləri və mürəkkəb qərarlarla üz-üzə qalır.

Rusiyanın «Взрыв из прошлого» adlı detektiv serialı 2014-cü ildə çəkilib. Ekran əsərinin rejissoru Andrey İvanovdur, baş rolları isə Vsevolod Tsurilo, Sergey Qorobçenko, Anastasiya Mikulçina və Gennadi Vengerov canlandırıblar.