Qətllə mənzərə

Baş vermiş bir cinayət dörd fərqli insanın taleyini bir-birinə bağlayır. Bütün hadisələr cəmi qırx səkkiz saatlıq zaman kəsiyini əhatə edir. Ortada bir qurban, cinayətdə şübhəli bilinən şəxs, şahidlər, gizli izləmələr, təhdidlər və sirli telefon zəngləri var.

Dörd seriyadan ibarət olan layihənin hər bölümü hadisələri fərqli bir personajın baxış bucağından təqdim edir. Qəhrəmanlar baş verənləri öz nöqteyi-nəzərindən danışaraq ya özlərinə bəraət qazandırmağa çalışır, ya da öz əleyhlərinə çıxış etmiş olurlar.

Rusiyada istehsal olunmuş «Пейзаж с убийством» adlı detektiv serialı 2002-ci ildə rejissor İlya Makarov tərəfindən çəkilib. Əsas rollarda Georgi Trauqot, Olqa Ponizova, Miroslav Maliç və Nikolay Zubkovski çəkiliblər.