Sığınacaq

Ailə üzvləri xəbər buraxılışlarında naməlum təbiət hadisələrinin yaratdığı qəribə mənzərələri təşvişlə izləyirlər. Lakin pəncərədən bayıra baxanda Meksika kəndində adi və sakit bir yaz fəslindən başqa heç nə görünmür. Bu səbəbdən qorxunun yalnız televiziya ekranında mövcud olduğu zənn edilir.

Çox keçmədən görünməz bir qüvvə ailənin yaxınlığında peyda olur və onları izləməyə başlayır. Baş verənlər gerçəkliklə illüziya arasındakı sərhədi itirən qəhrəmanları çaşqınlıq içində qoyur.

«El Refugio» fantastik dram serialı 2022-ci ildə nümayiş olunub və layihənin rejissoru Pablo Fendrikdir. ABŞ, Böyük Britaniya, Meksika və Çili istehsalı olan serialda baş rolları Ana Klaudiya Talankon, Alberto Qerra, Zuriya Veqa və Alfredo Kastro canlandırır.