Döyüş

Yevgeni keçmişinə dair heç bir şeyi xatırlamır. Cibindəki azsaylı əşyalar onu bir mənzilə çıxarsa da, bura da yaddaşını bərpa etməyə kömək etmir. Tezliklə o, adi bir insan olmadığını anlayır: evdə saxlanılan böyük məbləğdə pullar və fərqli soyadlara aid bir neçə pasport bunu təsdiqləyir.

Eyni vaxtda Federal Təhlükəsizlik Xidməti həmyaşıd olan yeddi kimsəsiz gəncin yoxa çıxması faktı üzrə araşdırmaya başlayır. Bütün parametrləri ilə bu axtarış meyarlarına tam uyğun gələn Yevgeni xüsusi xidmət orqanlarının diqqətini çəkir və onun ardınca izləmə təşkil olunur.

Rusiyanın detektiv janrlı «Döyüş» serialı rejissor Yuri Xarnas tərəfindən çəkilib və 2012-ci ildə nümayiş olunub. Ekran əsərində əsas obrazları Vladimir Yepifantsev, Yuri Çursin, Kristina Kazinskaya və Aleksandr Çerednik canlandırıb.