Şerlok Holmsun arxivi

Tanınmış London xəfiyyəsi Şerlok Holms yenidən mürəkkəb hadisələrin təhqiqatına başlayır. O, sadiq həmkarı doktor Con Uatsonla birlikdə dəlilləri araşdırır, şahidləri dindirir və yerli polisi çıxılmaz vəziyyətə salan cinayətlərin izinə düşür.

Qəhrəmanları bir-birindən sirli kriminal hadisələr və müəmmalı cinayət işləri gözləyir. Holmsun iti zəkası və xüsusi deduksiya metodu ən dolaşıq məqamları üzə çıxarmağa, gizli qalmış təqsirkarları tapmağa şərait yaradır.

Böyük Britaniya və ABŞ istehsalı olan «Şerlok Holmsun arxivi» («The Case-Book of Sherlock Holmes») detektiv serialı 1991-ci ildə ekranlara çıxıb və iki mövsümdən ibarətdir. Artur Konan Doylun əsərləri əsasında çəkilən ekran əsərinin rejissorları Tim Sallivan və Piter Hemmonddur, əsas rolları isə Ceremi Brett, Edvard Harduik, Rozali Uilyams və Kolin Civons canlandırıb.