Xadimə

Varlı sakinlərin yaşadığı qapalı kottec qəsəbəsində xidmətçi qadın Lara qətlə yetirilir. Hadisədə Anton adlı gənc günahlandırılır, lakin hüquq-mühafizə orqanları bu cinayətin üstünü açmağa və dərin təhqiqat aparmağa tələsmir.

Antonun həyat yoldaşı Marta onun günahsız olduğuna əmindir və əlini qolunu sallayıb otura bilmir. Həyat yoldaşını qurtarmaq istəyən qadın eyni yaşayış massivində işə düzəlir və həqiqəti tapmaq üçün özəl axtarışlara başlayır. O, xidmətçilərin sırasına qoşularaq hadisə yerində baş verənləri öyrənməyə çalışır.

Ukrayna istehsalı olan «Xadimə» («Прислуга») detektiv melodram serialı 2018-ci ildə işıq üzü görüb. Ekran işinin rejissoru Bata Nediçdir. Əsas rolları Valeriya Xodos, Anton Denisenko, Boris Xvoşnyanski və Oleq Savkin canlandırıblar.