Üç bacı

Kravçenko ailəsinin malikanəsində balaca Lyonanın ad günü qeyd edilərkən gözlənilmədən yanğın baş verir. Hadisə zamanı uşaq həyatını itirir və şənlik böyük bir kədərə çevrilir. Rəsmi istintaq orqanları baş verənləri bədbəxt hadisə kimi qələmə verir və qohumların əksəriyyəti bu nəticə ilə razılaşır.

Həlak olan uşağın anası Mariya isə bu versiyaya qətiyyən inanmır. Hadisədən əvvəl ailəyə ünvanlanan hədələri xatırlayan qadın evin qəsdən yandırıldığından əmindir. O, yaxınlarının mövqeyinə baxmayaraq, həqiqəti üzə çıxarmaq və oğlunun ölümündə əli olan şəxsi tapmaq qərarına gəlir.

Ukrayna istehsalı olan «Üç bacı» («Три сестры») dedektiv serialı 2020-ci ildə ekranlara çıxıb. Layihənin rejissoru Roman Barabaşdır. Baş rolları Yekaterina Astaxova, Natali Starınkeviç, İrina Novak və Vitali Kudryavtsev canlandırıb.