Aleksandra və Alyoşa

Uzun illər sonra qarşılaşan Aleksandra və Sergey vaxtilə bir-birini sevmiş, lakin keçmiş səhvlər ucbatından ayrı düşmüşdülər. İndi isə köhnə hissləri yada salmaq üçün heç bir vaxt yoxdur. Aleksandranın övladlığa götürdüyü oğlu Alyoşa yerli sahibkarın qətlində təqsirləndirilir və həbs təhlükəsi ilə üz-üzə qalır.

Bu cinayət işinin araşdırılması polis əməkdaşı olan Sergeyə tapşırılır. Əvvəlcə bütün şübhələr gəncin üzərində toplansa da, təcrübəli müstəntiq onun günahsızlığına inanır. Aleksandra ilə birlikdə həqiqəti tapmağa çalışan Sergey keçmişin və bu günün gizli tərəflərini aşkara çıxarmağa başlayır.

2019-cu il istehsalı olan «Aleksandra və Alyoşa» detektiv melodram serialının rejissoru Mariya Maxankodur. Layihədə əsas obrazları Anna Bolşova, Yaroslav Boyko, Alla Malkova və Andrey Senkin canlandırıb.