Passione

Qoveya ailəsi idman malları və velosiped istehsalı üzrə böyük bir şirkət qurub. İllər öncə Beti keçmiş münasibətindən hamilə olarkən Eujenio ilə ailə həyatı qurmuşdu. Həyat yoldaşı körpəni öz balası kimi böyütməyə söz versə də, doğuşdan dərhal sonra uşağın öldüyü deyilmişdi. Zaman keçdikcə cütlüyün Saule, Jerson və Melina adlı üç övladı dünyaya gəldi və onların hər biri fərqli xarakterlə böyüdü.

Bütün həqiqət yalnız Eujenionun ölüm yatağında üzə çıxır. O, illər boyu gizlətdiyi sirri etiraf edərək uşağın əslində ölmədiyini bildirir. Başqa bir kişinin övladını böyütmək istəməyən ər, körpəni maddi təminat verərək İtaliyaya köçən italiyalı xidmətçilərə təslim edibmiş. Bu xəbərdən sarsılan Beti oğlunun harada olduğunu öyrənmək, onunla necə münasibət quracağını və digər varislərin buna reaksiyasını düşünmək məcburiyyətində qalır.

2010-cu ildə Braziliyada istehsal olunmuş «Passione» serialının quruluşçu rejissorları Karlus Arauju və Andre Kamaradır. Çoxseriyalı dram layihəsində əsas rolları Fernanda Monteneqro, Mariana Şimenes, Toni Ramos və Reynaldo Canekkini canlandırıblar.