Səni xatırlayıram

Balaca Hyon vaxtilə atasının gündəliyində dəhşətli bir qeydə rast gəlir: atası onu canavar adlandırmışdı. Çox keçmədən ailəsini itirən uşaq həm atasız, həm də kiçik qardaşsız qalır. Yaddaşında çox az izin qaldığı o keçmiş hadisələr illər boyu onun daxilində dərin günahkarlıq hissi yaradır.

İllər keçir və Hyon kriminalistika sahəsində tanınmış, uğurlu bir mütəxəssisə çevrilir. Uşaqlıq kabusları ilə yenidən üzləşən qəhrəman nəhayət köhnə suallara aydınlıq gətirmək qərarına gəlir. O, ailəsinin məhvinə səbəb olan gerçək canavarın kimliyini üzə çıxarmağa çalışır.

«Neoreul gieokhae» adlı Cənubi Koreya istehsalı olan serial 2015-ci ildə ekranlara çıxıb. Triller janrındakı layihənin rejissor kürsüsündə Kim Cin-von və No San-hun əyləşib. Baş rolları So İn-quk, Can Na-ra, Kim Ce-yon və Li Çxon-hi canlandırıb.