Qəlbimdəki Maksimo

"Maximo Corazon" serialı Maksimo Martinelli və onun xanımı Lusilanın həyatından bəhs edir. Cütlük çoxuşaqlı ailə qurmağı və ömürlərini birgə başa vurmağı arzulayır, lakin toyun birinci ildönümündə küçə quldurlarının hücumu nəticəsində Lusila odlu silahdan açılan atəşlə öldürülür. Dərin kədər içində olan ər həyat yoldaşının ürəyinin başqa bir bədəndə döyünməsi üçün orqan köçürülməsinə razılıq verir və bu ürək yeganə xilas yolu olan Luxan adlı qadına nəql edilir.

Əməliyyatdan bir ay ötdükdən sonra Luxan özündə daha əvvəl hiss etmədiyi yeni və qəribə duyğular sezməyə başlayır. O, sinəsində ürəyi döyünən şəxsin kimliyini ətraflı öyrənmək istəyir. Təsadüf nəticəsində Maksimo və Luxan qarşılaşırlar. Hər ikisi təzə münasibət axtarmasa da, aralarındakı qəribə cazibə onları sanki çoxdankı tanışlar kimi bir-birinə bağlayır.

Triller, melodram və detektiv janrlarını birləşdirən Argentina istehsalı olan bu layihə 2002-ci ildə nümayiş olunub. Ekran işinin rejissorluğunu Ernan Abrahamson və Qebriel de Çiançio həyata keçirib. Baş rolları Qabriel Korrado, Valeriya Bertuçelli, Sesiliya Dopaso və Xorxe Marrale canlandırıblar.