Saxta sevgi

Müstəntiq Oksana Danilova hər zaman qanunun tələblərinə dəqiqliklə əməl edən prinsipial bir xanımdır. Onun şəxsi həyatı da qaydasında gedir: əri İqorla on beş illik evliliyi davam edir və onların bir oğlu böyüyür. Lakin xidməti fəaliyyətindəki növbəti cinayət işi Oksananın bu nizamlı həyatını sarsıdır.

Mənimsəmədə şübhəli bilinən Vladislav Safronov ağıllı və kübar bir şəxsdir. Tezliklə məlum olur ki, o, ələ keçirdiyi vəsaiti ağır xəstəlikdən əziyyət çəkən məktəb yoldaşının müalicəsinə xərcləyib. Təqsirləndirilən şəxsə qarşı yaranan güclü hisslər Oksananı həyatında ilk dəfə olaraq öz peşəkar prinsiplərindən geri çəkilmək həddinə çatdırır.

2019-cu ilin istehsalı olan Rusiyanın «Поддельная любовь» («Saxta sevgi») adlı dedektiv melodram serialının quruluşçu rejissoru İqor Mujjuxindir. Əsas obrazları Natalya Terexova, Andrey Frolov, Sergey Perequdov və Ruslan Yaqudin canlandırıblar.