Holms

Gənc həkim Teleqin psixiatriya xəstəxanasında fəaliyyətə başlayır. İşinin elə ilk günündə o, Feliks adlı sirli pasiyentlə tanış olur. Həmin şəxs şəhərdən kənarda, maşınının yük yerində naməlum meyitlə yaxalanıb. Feliks özünü Şerlok Holms hesab edir və şəxsiyyət ikiləşməsindən əziyyət çəkir: bəzən onda itkin düşmüş qardaşının xarakteri baş qaldırır.

Həkim və pasiyent klinikada baş verən cinayətləri birlikdə araşdırmağa qərar verirlər. Eyni zamanda Teleqin Feliksin əslində kim olduğunu anlamağa çalışır. Həkim qarşısındakının bacarıqlı fırıldaqçı, yoxsa qardaş itkisi ilə sarsılmış xəstə bir insan olduğunu dəqiqləşdirməlidir.

Rusiyada istehsal olunmuş «Holms» detektiv serialı 2025-ci ildə ekranlara çıxıb. Layihənin quruluşçu rejissoru Dmitri Petrundur. Əsas obrazları Artyom Osipov, Vyaçeslav Çepurçenko, İqor Dneprov və Vladimir Brest canlandırıblar.