Sərhəd

Dedektiv Anqo İşikava bütün vaxtını xidmətə həsr edən və karyerasına köklənmiş bacarıqlı bir polisdir. Keçmiş həmkarının qətlə yetirildiyi yerə gələn müstəntiq orada cinayətkarla qarşılaşır və başından ağır güllə yarası alır. Həkimlər onun həyatını qurtara bilsələr də, güllə kəllə sümüyündə ilişib qalır.

Sağalandan sonra xidmətə qayıdan İşikava növbəti cinayət yerində ağlamaq həddində olan azyaşlı bir oğlan görür. Ətrafdakı həmkarlarının uşağı görmədiyini anlayan müstəntiq həmin oğlanın cinayət qurbanı olduğunu və özünün artıq ölülərin ruhları ilə danışa bildiyini dərk edir.

Yaponiya istehsalı olan «Sərhəd» (Border) adlı mistik dram serialı 2014-cü ildə işıq üzü görüb. Ekran əsərinin quruluşçu rejissorları Hacime Haşimoto və Takafumi Hatano, baş rolun ifaçısı isə Şun Oquridir.