Xain

Narkotiklərlə mübarizə idarəsinin əməkdaşı İqor Rebrov xidmətə böyük ümidlərlə başlasa da, mühit onun baxışlarını dəyişir. Həmkarlarının qanunsuz gəlir əldə etdiyini görən əməliyyatçı da onların yolunu seçir. O, biznesmenlərin problemlərini həll edir, rüşvət vasitəçiliyi ilə məşğul olur və basqınçılara kömək edir.

Növbəti tapşırıqda İqordan həbsdə olan cinayətkar nüfuz sahibini azadlığa çıxarmaq tələb olunur. Məsələni yoluna qoymaq üçün o, istintaq qrupuna daxil olur. Həmin işə rəhbərlik edən gənc müstəntiq Olqa Barentseva isə heç bir sövdələşməyə getməyən dürüst insandır. İqor onun etibarını qazanmaq üçün ehtiyatla hərəkət etməyə çalışır, lakin bir müddət sonra həmkarına qarşı fərqli hisslər keçirdiyini anlayaraq çətin seçim qarşısında qalır.

«Xain» («Предатель») adlı çoxseriyalı kriminal film 2012-ci ildə Rusiyada çəkilib. Layihənin rejissoru Stanislav Titarenkodur, baş rolları isə Roman Polyanski, Yelena Radeviç, Denis Sinyavski və Andrey Zibrov ifa edir.