Qələbə

Dünyanın ən böyük şəhərlərinin üzərində nəhəng, dairəvi formalı əlli ana gəmi peyda olur. Nyu-Yorkda, Birləşmiş Millətlər Təşkilatının binasının damına enən yadplanetlilər zahirən insanlara bənzəyirlər. Lakin onlar gözlərini qoruyucu eynəklər arxasında gizlədir və qəribə, əks-səda verən səslərlə danışırlar. Öz ləqəblərini «Ziyarətçilər» qoyan bu varlıqlar bəşəriyyətə dostluq əli uzatdıqlarını bəyan edirlər.

Onlar xəstə planetlərini xilas etmək bəhanəsi ilə insanlardan sadəcə kimyəvi tullantılar və minerallar istəyirlər, əvəzində isə qabaqcıl texnologiyalarını paylaşacaqlarını vəd edirlər. Yer kürəsinin hökumətləri bu təklifi qəbul edir. Beləliklə, lider Con və onun müavini Diananın rəhbərlik etdiyi yadplanetlilər tədricən insan hakimiyyətinə böyük təsir göstərməyə başlayırlar.

Fantastika janrındakı «Qələbə» (V) serialı 1983-cü ildə ABŞ-da lentə alınıb. Layihənin rejissoru Kennet Consondur. Əsas rollarda Maykl Darrel, Devid Peker, Neva Patterson və Tommi Petersen çəkiliblər.