Yüz Yüze

Polis əməkdaşı olan atasının əməliyyat zamanı qətlə yetirilməsi Cahangirin gələcəyini büsbütün dəyişir. İllər keçdikcə cinayətkar dəstəyə rəhbərlik etməyə başlayan gənc adamın ağlında yalnız bir məqsəd formalaşır: atasının qisasını almaq.

Uzun axtarışlardan sonra Cahangir nəhayət atasının ölümünə bais olan şəxsin izinə düşür. Cəza verməyə çox yaxın olduğu bir məqamda qarşısına çıxan gənc qadın onun bütün planlarını alt-üst edir və hadisələrin gedişatını tamamilə başqa səmtə yönəldir.

Türkiyə istehsalı olan «Yüz Yüze» serialı 2017-ci ildə işıq üzü görüb. Ekran əsəri dram və döyüş janrlarını özündə birləşdirir.