Cat's Eyes

Uzun ayrılıqdan sonra Tamara, Siliya və Aleksiya Şamad bacıları Parisdə yenidən bir araya gəlirlər. Eyfel qülləsində təşkil edilən mötəbər sərgidə illər əvvəl qalereya yanğınında həlak olduğu güman edilən atalarına məxsus sənət əsəri üzə çıxır. Yanğının bədbəxt hadisə olmadığına inanan bacılar həqiqəti öyrənmək ümidi ilə həmin eksponatı oğurlamaq qərarına gəlirlər.

Bu cəsarətli addım dərhal polisin diqqətini çəkir və cinayət işinin araşdırılması kapitan Kventin Şapüyə tapşırılır. Kventin keçmişdə Tamara ilə romantik münasibətdə olub və axtardığı oğrunun kimliyindən əsla xəbərdar deyil. Qızlar bir tərəfdən keçmişin sirrini çözməyə çalışır, digər tərəfdən isə polis təqibindən yayınmalı olurlar.

2024-cü ildə yayımlanan «Cat's Eyes» serialı detektiv, kriminal və macəra janrlarını birləşdirir. Fransa istehsalı olan layihənin rejissoru Aleksandr Lorendir. Baş rolları Kamill Lu, Konstans Labbe, Kler Romen və Mohamed Belxir canlandırır. Serial iki mövsümdən ibarətdir.