Səhra şahzadəsi

Nüfuzlu və varlı qadın Kristin Sanders gözlənilməz sınaqla üzləşir: onun doğma övladı qaçırılır. Uşağı qaçıran şəxs isə onun ərəb əsilli atasıdır. Ata oğlunu Böyük Səhranın dərinliklərinə, qüdrətli əmirin iqamətgahına aparır.

Övladını geri qaytarmaq istəyən Kristin bu sahədə peşəkar olan Tom Börtondan kömək istəyir. Börtun Yaxın Şərqdə girovların azad edilməsi üzrə çoxsaylı döyüş əməliyyatlarında iştirak etmiş təcrübəli bir mütəxəssisdir. O, uşağı tapmaq məqsədilə təhlükəli axtarışa başlayır.

Macəra dolu «Il principe del deserto» serialı rejissor Duçço Tessari tərəfindən lentə alınıb. İtaliya və Almaniyanın birgə istehsalı olan bu ekran əsəri 1991-ci ildə nümayiş olunub. Baş rolları Rutger Hauer, Kerol Olt, Ömər Şərif və Elliott Quld canlandırıb.