Ronin

Xüsusi təyinatlı dəstənin döyüşçüsü İvan Doronin girovların azad edilməsi əməliyyatı zamanı ağır yaralandıqdan sonra məcburi məzuniyyətə göndərilir. Elə həmin ərəfədə keçmiş həyat yoldaşının vəfat etdiyi xəbəri gəlir. İvan illərdir yalnız aliment ödədiyi doğma oğlu Mişanı yanına almaq üçün doğma Medvejye kəndinə yola düşür. Lakin kənddə məlum olur ki, qadının başqa kişidən daha bir oğlu var və hər iki uşağa İvanın ögey atası baxır.

Qəyyumluq məsələlərini həll etməyə çalışan Doronin xəstələnən ögey atasının əvəzinə kənddə poçtalyonluq etməyə başlayır. Məktub və bağlamaları paylayarkən o, tez-tez təhlükəli hadisələrlə üzləşir və xüsusi təyinatlı bacarıqlarından istifadə etməli olur. İvan kənd sakinlərinin asayişini qorumaqla yanaşı, hər iki uşağa ata olmağa çalışır və yerli xanımın sevgisi uğrunda nüfuzlu bir məmurla mübarizə aparır.

Rusiyada istehsal olunmuş «Ronin» adlı dedektiv və döyüş serialı 2024-cü ildə işıq üzü görüb və 2 mövsümdən ibarətdir. Layihənin rejissorluğunu Sergey Qorbaçov və İqor Draka həyata keçirib. Baş rolları Dmitri Palamarçuk, Lyuba Baxankova, Aleksandr Dyakonov və Artemiy Çerkaşin canlandırıb.