Vasitəçi

Göy üzündə peyda olan sirli bir kürə bəşəriyyət üçün böyük fəlakətlərin başlanğıcına çevrilir. Bu obyektin vasitəçisi ilə qarşılaşan böyüklər yad və şər qüvvənin təsiri altına düşərək iradələrini itirirlər. Lakin yadplanetli şüurun bu təsiri uşaqlara və ruhi xəstələrə sirayət etmir.

Yaranmış təhlükəni fərq edən Seryoja və Nastya adlı yeniyetmələr fəlakətin qarşısını almağa çalışırlar. Mühəndis Zamyatinin dəstəyini qazanan qəhrəmanlar yad ağlın Yer kürəsini tamamilə zəbt etməsinə mane olmaq üçün mübarizəyə başlayırlar.

Fantastika janrındakı «Vasitəçi» serialı 1990-cı ildə SSRİ-də rejissor Vladimir Potapov tərəfindən çəkilib. Ekran əsərində əsas rolları Olesya Sudzilovsakaya, İnara Slutska, Valeri Storojik və Andrey Tarasenko canlandırıblar.