Aranyélet

Atillanın günləri müxtəlif cinayət əməlləri ilə keçir. O, daşınmaz əmlak agenti adı altında başqasının mənzilini kirayəyə verir və qaçaqmal daşımaq üçün maşın qaçırır. Lakin anasından gələn xəbər hər şeyi alt-üst edir: atası ölüm ayağındadır. Xəstəxanaya tələsən Atilla atasının nifrəti ilə qarşılaşır, çünki qoca cinayətlərinə görə oğlu ilə vidalaşmaqdan belə imtina edir.

Atasının vəfatı onu bütün həyatını yenidən nəzərdən keçirməyə vadar edir. Növbəti qanunsuz işindən möcüzə nəticəsində cəzasız qurtulan baş qəhrəman dələduzluğu birdəfəlik atmağa qərar verir. Artıq o, qanunlara tabe olan bir vətəndaş kimi hər şeyə sıfırdan başlamaq niyyətindədir.

Macarıstan istehsalı olan «Aranyélet» serialı 2015-ci ildə işıq üzü görüb və ümumilikdə 3 mövsümdən ibarətdir. Ekran əsərinin rejissorluğunu Jombor Diqa və Aron Matyaşşi edib, əsas obrazları isə Sabolç Turotsi, Ester Onodi, Renato Olas və Laura Döbröşi canlandırıb.