Atalar

Kiprdə keçirilən yoldaşlıq turnirində qələbə qazanan Rusiyanın gənclərdən ibarət qadın voleybol komandası evə yola düşür. İdmançılar varlı sponsorun şəxsi təyyarəsi ilə Moskvaya uçarkən hava gəmisi ilə əlaqə kəsilir və təyyarə radarlardan itir. Çox keçmədən təyyarənin Liviyada olduğu üzə çıxır; gənc qızlar radikal qruplaşmaların əlinə düşür və onları orqan alverçilərinə və ya hərəmxanalara satmaq təhlükəsi gözləyir.

Oğurlananların arasında keçmiş xüsusi xidmət əməkdaşı Oleqin qızı Katya da var. Hadisədən xəbər tutan ata vaxt itirmədən qızını xilas etmək qərarına gəlir. O, komandadakı digər qızların ataları ilə birləşir və adi kişilər övladlarını təhlükədən qurtarmaq üçün birgə mübarizəyə başlayırlar.

«Atalar» («Отцы») adlı Rusiya istehsalı olan dram və döyüş serialı 2016-cı ildə təqdim edilib. Ekran işinin rejissoru Arşo Arutyunyandır, baş rolları isə İvan Oqanesyan, Anastasiya Ukolova, Marusya Klimova və Vladimir Steklov canlandırıb.