Sadəcə bir baxış

«Juste un regard» serialında Yeva Bofis naməlum mənbədən köhnə bir fotoşəkil alır. Həmin şəkildə həyat yoldaşı Bastyeni tanıyan qadın ona suallar vermək istəsə də, buna imkan tapmır. Tezliklə Bastyen müəmmalı şəraitdə yoxa çıxır.

Yoldaşını axtarmağa başlayan Yeva onun gizlətdiyi başqa bir mobil telefonu tapır. Cihazın yaddaşında cəmi iki əlaqə nömrəsi qeyd olunub. Qadının indi yeganə məqsədi sevdiyi insanı tapmaq və onun ailəsindən gizlətdiyi sirləri üzə çıxarmaqdır.

Fransa istehsalı olan bu triller 2017-ci ildə işıq üzü görüb. Serialın rejissoru Lüdovik Kolbo-Jüstendir, əsas rolları isə Virjini Ledoyen, Terri Növik, Terri Fremon və Cimmi Jan-Lui canlandırıblar.