Kriminal irs

Biatlon məşqçisi Boris Yermakov uzun illər boyu doxsanıncı illərdəki fəaliyyətini ailəsindən gizli saxlayır. O vaxtlar cinayətkar qruplaşmada muzdlu qatil kimi fəaliyyət göstərib. Amma keçmiş yenidən qapını döyür: cinayətkarlar Borisin kiçik oğlu Andreyi qaçırırlar. Onu sağ-salamat geri qaytarmaq üçün ata keçmiş yetirməsi, hazırda isə böyük iş adamı olan Strukovu aradan qaldırmalıdır. Səhhətindəki problemlər ucbatından Boris bu tapşırığı yerinə yetirə bilmir və silahı onun böyük oğlu Denis əlinə alır.

Andrey xilas olunsa da, Denis qətl törətməkdə təqsirləndirilərək dəmir barmaqlıqlar arxasına düşür. Naməlum şantajçının planı baş tutur və Yermakovlar ailəsi cavabsız suallarla tək qalır. Denis həbsxanada olarkən ailəsini idarə edən və onları bu vəziyyətə salan gizli şəxsin kimliyini üzə çıxarmağa çalışır.

Rusiyada istehsal olunmuş «Kriminal irs» («Kriminalnoye nasledstvo») çoxseriyalı dram filminin rejissoru Aleksey Lukanevdir. 2014-cü ildə nümayiş olunan layihənin baş rollarında Kirill Zaporojsski, Aleksandr Qalibin, Yekaterina Moloxovskaya və Denis Sinyavski çəkiliblər.