Rikoşet

Denis iyirmi il ərzində hamı üçün rəsmi olaraq ölmüş sayılırdı. Valideynlərinin qəfil vəfatı onu gizləndiyi yerdən çıxmağa və doğma Anninsk şəhərinə yollanmağa vadar edir. Yeni sənədlər, fərqli ad və dəyişmiş sima ilə gələn qəhrəmanın məqsədi sadəcə doğmalarını son mənzilə yola salmaq idi. Lakin cinayətkarlığa bürünmüş şəhər onu dərhal təhlükəli hadisələrin mərkəzinə çəkir.

Keçmişin səhvlərini düzəltmək artıq mümkün olmasa da, Denis indiki vəziyyəti dəyişməyə qərar verir. Bacısı Nikanın böyük təhlükə altında olduğunu görən qəhrəman şəhərdə qalır. O, həm doğmasını qorumaq, həm də yerli cinayətkar qruplarla hesablaşmaq üçün hərəkətə keçir.

Rusiya istehsalı olan «Rikoşet» serialı döyüş, triller və detektiv janrlarını birləşdirir. Layihənin rejissor kürsüsündə Denis Karışev və Vyaçeslav Kirillov əyləşib. Baş rolları Aleksandr Ustyuqov, Yekaterina Volkova, Sergey Şnıryov və Pyotr Rıkov canlandırır. Kriminal dram iki mövsümdən ibarətdir.