Drayv

Kaskadyor Anton ölümcül xəstəliyə tutulduğunu öyrənir. İpoteka borcunu bağlamaq və ailəsini evsiz qoymamaq üçün o, baha qiymətli avtomobilləri qaçırmaq qərarına gəlir. Lakin ilk cinayət cəhdi zamanı Anton başqasının qurduğu tələyə düşür.

Gizli kazino sahibi Slava qəhrəmanın ailəsini hədələyərək onu özünə tabe edir. Anton danışıqları pozmaq, gizli sənədləri oğurlamaq və qanunsuz yarışlarda qalib gəlmək kimi xüsusi tapşırıqları yerinə yetirməyə məcbur olur. İkili həyat kaskadyorun ailəsini, dostlarını və işini itirməsinə gətirib çıxarır. Nəticədə Slava da çətin vəziyyətə düşəndə, Anton həm onu xilas etmək, həm də bu asılılıqdan qurtulmaq üçün son bir fənd hazırlayır.

Rusiyanın istehsalı olan «Drayv» döyüş serialı 2018-ci ildə işıq üzü görüb. Ekran əsərinin rejissoru Anario Məmmədovdur. Əsas rolları Vladimir Yepifantsev, Nikolay Fomenko, Ruslan Kornekov və Çeslav Qolovinets canlandırıblar.