Əfsanəvi lider

Məktəbdə üzləşdiyi zorakılıq ucbatından içinə qapanan Tatsuhito Yamada təcrid olunmuş bir həyat sürür. Küçədə gəzərkən o, təsadüfən motosiklet qəzasına şahidlik edir. Qəzaya düşən şəxs isə küçə xuliqanlarından ibarət güclü «Grand Cross» qruplaşmasının rəhbəri Şo İcyuindir. Ağır xəsarət alan dəstə başçısı Tatsuhitonun ona həddindən artıq bənzədiyini fərq edir və gəncdən bir müddət onun yerini doldurmasını istəyir.

Keçmişdə küncə sıxışdırılmış yeniyetmə yüzlərlə qorxunc tərəfdarın və barışmaz düşmənlərin qarşısında özünü qəddar cinayətkar kimi aparmağa məcbur qalır. Bu təhlükəli oyunda hər addım ifşa olunmaq riski daşıyır, çünki qorxaq bir oğlanın amansız lider obrazını canlandırması olduqca çətindir. O, əsl kimliyini gizlətmək və qruplaşmadakı nüfuzu qorumaq üçün bütün bacarığını səfərbər edir.

«Densetsu no Heddo Sho» 2024-cü ildə Yaponiyada istehsal olunmuş komediya və döyüş janrında serialdır. Ekran əsərinin rejissor kürsüsündə Takashi Sumida və Keisuke Kondo əyləşib. Baş rolları Fumiya Takahashi, Nagisa Sekimizu, Hiroe Igeta və Araki Sugo canlandırıb.