Bosch

İeronim «Harri» Boş Los-Anceles polisinin qətllər şöbəsində xidmət edir. Həyatı yetərincə mürəkkəbdir: iş yoldaşları arasında yalnız şəriki Cerri ilə dil tapa bilir, polis rəhbərliyi şübhəli intriqalar qurur, qızı Meddi isə peşənin bütün çətinliklərindən xəbərsiz şəkildə atasının yolu ilə getməyi düşünür.

Günlərin birində Boşun qarşısına taleyüklü bir təhqiqat çıxır. O, naməlum şəraitdə öldürülmüş 13 yaşlı yeniyetmənin işini araşdırmağa başlayır. Şəhərdə silsilə qətllər törədən bir manyakın peyda olması ehtimalı vəziyyəti daha da gərginləşdirir.

«Bosch» kriminal serialı Maykl Konnellinin romanları əsasında lentə alınıb. Rejissor kürsüsündə Aleks Zakrjevski və Ernest R. Dikerson əyləşiblər. Baş rolu Taytus Velliver canlandırıb, digər rollarda Ceymi Hektor, Emi Akino və Lens Reddiki görmək olar. ABŞ istehsalı olan layihə 2015-ci ildə yayımlanıb və 7 mövsümdən ibarətdir.