Diler

Klip rejissoru Frank gənc repçi Toninin musiqi videosunu lentə almaq məqsədilə Fransanın cənubundakı təhlükəli bir məhəlləyə yollanır. Lakin qısa zamanda məlum olur ki, xarizmatik ifaçı eyni zamanda yerli narkotacirlər dəstəsinin rəhbəridir.

Rejissor və onun operatoru cinayətkar aləmin qaranlıq tərəfləri ilə üz-üzə qalırlar. Silahlı cinayətkar qruplar arasında nüfuz savaşı başladıqda, aqressiv qanunsuzların əhatəsində olan çəkiliş heyəti ciddi təhlükə içində qalır.

«Caïd» adlı fransız serialı rejissorlar Anj Basterqa və Nikolas Lopes tərəfindən ekranlaşdırılıb. 2021-ci ildə nümayiş olunan bu gərgin dram və döyüş layihəsində əsas rolları Sebastyan Ubani, Abdraman Diakite, İdir Azuqli və Mohamed Budu canlandırıb.