İki nəfərə bir kölgə

Həyat yoldaşının qəfil ölümündən sonra Andrey Danilov yalnız skripkaçı dostu Tarasovun verdiyi alibi sayəsində həbsdən qurtulur. Aradan iki il keçir və keçmişin qaranlıq hadisələri yenidən baş qaldırır: qəhrəman üzərində qatil yazılmış toy fotosu alır, bağ evindəki layihə çertyojları isə naməlum şəxs tərəfindən məhv edilir.

Çox keçmədən silsilə qətllər başlayır və şübhələr yenidən tanınmış yazıçı oğlunun üzərinə yönəlir. Görünməz düşmən onun həyatını alt-üst etməyə çalışır. İllərdir Andreyi sevən Martanın köməyi ilə o, şəxsi təhqiqatına başlayır. Bu təhlükəli yolda Martanın da hədəfə çevrilməsi Danilovu qətiyyətli addımlar atmağa və sirli düşməni ifşa etməyə məcbur edir.

2005-ci ildə Rusiya istehsalı olan «İki nəfərə bir kölgə» («Одна тень на двоих») serialı rejissor Aleksey Kozlov tərəfindən çəkilib. Layihədə əsas rolları Yaroslav Boyko, Svetlana Kryuçkova, Daniil Spivakovski və Artur Vaxa canlandırıb.