Mühafizəçi

1988-ci ilin boks üzrə olimpiya çempionu Aleksandr Sokolov rinqdə heç vaxt nokaut olmasa da, taleyin ağır zərbəsinə tab gətirə bilmir. Sərxoş sürücünün səbəb olduğu qəzada həyat yoldaşı və on beş yaşlı qızı həlak olur. İtkidən sonra idmançı spirtli içkilərə qurşanır və paytaxtın dəbdəbəli restoranlarından birində qarderobçu kimi işləməyə başlayır.

Vaxtilə Sokolovla birgə məşq etmiş restoran sahibi Oleq Morozov köhnə dostuna kömək əlini uzadır. Keçmiş çempionu unutmayan Oleq onu işə götürərək həyatın dibinə yuvarlanmaqdan xilas edir. Morozov onun vaxtaşırı baş qaldıran içki vərdişlərinə və sarsıntılarına dözərək Aleksandrın bəxşişlərlə dolanmasına şərait yaradır.

Rusiya istehsalı olan «Mühafizəçi» serialı döyüş, kriminal və melodrama janrlarını birləşdirir. 2014-cü ildə rejissor Aleksandr Kaluqin tərəfindən çəkilmiş ekran əsərində baş rolları Yevgeni Sidixin, Oleq Quşşin, Dmitri Mazurov və Dmitri Prodanov ifa edir.