Nindza üçün evlilik çətindir

Hotaru aptekdə çalışır, əri Qoro isə poçt kuryeri kimi fəaliyyət göstərir. Sevgi üzərində qurulan bu sakit ailə həyatının arxasında hər iki tərəfin bir-birindən gizlətdiyi sirr dayanır: onlar əslində irsi nindzalardır. Vəziyyəti daha da mürəkkəbləşdirən məqam isə qadının Koqa, kişinin isə ona düşmən olan İqa klanına mənsub olmasıdır.

Zaman keçdikcə gündəlik məişət qayğıları və narazılıqlar cütlüyün münasibətlərinə mənfi təsir etməyə başlayır. Eyni zamanda hər iki qəhrəman öz klanlarından gizli tapşırıqlar alır. Bir-birinə zidd olan bu tapşırıqlar rəqib qrupların maraqlarını toqquşdurur və ailədaxili gərginliyi daha da artırır.

2023-cü il istehsalı olan bu Yaponiya serialı romantika, döyüş, triller və komediya janrlarını bir araya gətirir. Ekran işinin rejissorları Masato Hijikata və Yoshinori Kobayashi, baş rol ifaçıları isə Nanao və Nobuyuki Suzukidir.