Əzizim

Zərgərlik mağazasının qarət edilməsi "Sokol" ləqəbli kapitan İqor Sokolovun xidmət etdiyi rayon polis şöbəsində vəziyyəti gərginləşdirir. İşi araşdırmaq üçün bura göndərilən mayor Kupriyanov və kapitan Rüstəm Palaşkin yerli polislə dərhal qarşıdurmaya girirlər. Sokolovun şəxsi həyatı da böhrandadır: sevdiyi qadın onu evdən qovub, spirtli içki səbəbindən isə xidmətdən uzaqlaşdırılmaq üzrədir. Bu ərəfədə "Çaus" ləqəbli cinayətkarın başçılıq etdiyi dəstə yeni basqınlar törətməkdə davam edir.

İqor quldurlardan birinin izinə düşərək axtarışları Polina adlı gənc qadının evinə qədər davam etdirir. Sokolov ilk baxışdan ona aşiq olur. Lakin kapitan xəbərsizdir ki, Polina axtardığı həmin təhlükəli cinayətkar Çausun keçmiş həyat yoldaşıdır.

2013-cü il istehsalı olan Rusiyanın detektiv döyüş serialı "Дорогая" rejissor Viktor Tatarski tərəfindən lentə alınıb. Baş rolları İqor Petrenko, Artur Vaxa, Yevgeniya İqumnova və Gennadi Menşikov canlandırır.