Tayfun

FSB-nin xüsusi əməliyyatlarına rəhbərlik edən Denis Kreçetov mühüm bir tapşırıq alır. O, Prizma ləqəbli xaker qadını tapıb Rusiyaya gətirməlidir. Qaçaq qadın gizli kimyəvi silah formulasını ələ keçirdiyi üçün beynəlxalq silah alverçisi və Amerika kəşfiyyatı da onun izinə düşüb.

Denis hədəfin yerini müəyyənləşdirərək dəstəsi ilə birlikdə onu yaxalamaq üçün yola çıxır. Lakin əməliyyat zamanı gözlənilməz çətinliklər yaranır. Nəticədə Denis çətin bir qərar qarşısında qalır: ya vətənin maraqlarını qorumalı, ya da öz ailəsini xilas etməlidir.

2022-ci ildə çəkilmiş Rusiya istehsalı olan «Tayfun» döyüş serialının rejissoru Sergey Popovdur. Əsas rollarda Fyodor Lavrov, Marina Vasilyeva, Diana Yenakayeva və Pyer Burel çıxış ediblər.