Buz

Hadisələr 2020-ci ildə cərəyan edir. Ətraf mühit üzrə mütəxəssis Tom Arçer iddia edir ki, «Halo» enerji şirkətinin Qrenlandiyadakı qazma işləri buzlaqların əriməsinə yol aça bilər, lakin onun xəbərdarlıqlarına məhəl qoyan olmur. Dəlillər toplamaq məqsədilə Arktikaya yollanan alim tezliklə bütün insanların təhlükə altında olduğunu üzə çıxarır.

Tom ailəsini qorumaq üçün təcili şəkildə geri dönməyə çalışır. Bu ərəfədə isə buzlaqlar gözləniləndən qat-qat sürətlə əriməyə başlayır. Vaxt daraldıqca alim yaxınlarını xilas etmək naminə təbiətin yaratdığı çətinliklərlə üz-üzə qalır.

«Ice» fantastik triller janrında çəkilmiş mini-serialdır. 2010-cu il istehsalı olan bu layihə Böyük Britaniya və Yeni Zelandiyanın birgə əməkdaşlığı ilə hazırlanıb və Nik Kopus tərəfindən ekranlaşdırılıb. Əsas rollarda Riçard Roksburq, Frensis O'Konnor, Kler Forlani və Ben Kross çəkiliblər.