Dəyişmə

Mayor Pobortsev silsilə bank qarətlərini araşdırarkən girov qadını xilas etmək naminə qaydaları pozur və altı cinayətkardan birini yaxalamağı bacarır. Qandallanan quldur təhqiqatçıya qisas alacağını vəd etsə də, rəhbərlik mayora həm şiddətli töhmət, həm də tətil mükafatı verir.

Həyat yoldaşı Natalya dəniz səyahətinə hazırlaşdığı vaxt Pobortsev rəsmi məzuniyyətini kənara qoyub həmkarlarına dəstək verməyə davam edir. Təcrübəli zabit basqınçıların polisi qəsdən yalnış istiqamətə yönəltdiyini anlayır. Növbəti soyğunçunun yaxalanması əməliyyatı sirrin açılması ucbatından baş tutmur və şübhələr daxili dairəyə, o cümlədən mayorun özünə yönəlir. Bu əsnada həbsdəki cinayətkar verdiyi təhdidi gerçəkləşdirir və müstəntiq işi tamamlamaq üçün quldurların şərtləri ilə dəyişməyə razılaşmalı olur.

Rusiyada çəkilmiş 2014-cü il istehsalı olan «Dəyişmə» kriminal serialının quruluşçu rejissoru Viktor Tatarskiydir. Əsas obrazları Aleksey Komaşko, Svetlana Şedrina, İqor Pavlov və Andrey Qulnev canlandırıblar.