Xutoryanin

Rusiya ordusunun keçmiş polkovniki Sergey Krasnov ölkənin cənubunda yerləşən xutor təsərrüfatına rəhbərlik edir. Bir il əvvəl o, yerli məmurlara və torpaq mafiyasına rüşvət verməkdən qəti şəkildə imtina edib. Təzyiqlərə boyun əyməyən sahibkarı sındırmaq məqsədilə cinayətkarlar onun həyat yoldaşını qətlə yetiriblər.

Krasnov azyaşlı oğlu Vanya və qızı Kseniya ilə tək qalır. Ailəsi üçün yaranan ölümcül təhlükəyə baxmayaraq, o, nə torpağını dəyər-dəyməzinə satmaq, nə də geri çəkilmək fikrindədir. Keçmiş zabit cinayətkar şəbəkəyə və korrupsiyaya qurşanmış sistemə qarşı təkbaşına mübarizəni davam etdirir.

2013-cü ildə çəkilmiş «Xutoryanin» adlı Rusiya dram döyüş serialının rejissoru Viktor Merejkodur. Baş rolları Andrey Çernışov, Vera Baxankova, Oleq Basilaşvili və İqor Sklyar canlandırıblar.