My Name

On yeddi yaşının tamam olduğu gün məktəbli Yun Ci-u üçün böyük bir faciəyə çevrilir. Atasının cinayət aləmi ilə əlaqələri ucbatından qız həm polis nəzarətində qalır, həm də məktəbdə təzyiqlərlə üzləşir. Uzun müddətdən sonra qızını görməyə gələn ata qapının ağzında, övladının gözləri qarşısında naməlum şəxs tərəfindən qətlə yetirilir.

İntiqam almaq istəyən Ci-u atasının cinayətkar şəriki və mafiya başçısı Çhve Mu-cindən kömək istəyir. Qətlin arxasında polisin dayandığına inanan kriminal lider gənc qızı öz sıralarına qatır, xüsusi hazırlıqdan keçirir və ona yeni şəxsiyyət verərək polis sıralarına sızdırır.

Cənubi Koreya istehsalı olan «My Name» serialının rejissoru Kim Cin-mindir. 2021-ci ildə təqdim edilmiş layihədə əsas rolları Han So-hi, Pak Hi-sun, An Bo-hyon və Kim San-ho canlandırır.