Sprut

Siciliyanın kiçik bir şəhərində cinayət axtarış şöbəsinin rəisi Marineo qətlə yetirilir və bu hadisədə mafiyanın əli olduğu güman edilir. Həmin gün daha bir ölüm xəbəri yayılır: markiza Peççi Şaloyya öz həyatına son qoyur. Həlak olmuş həmkarının yerinə təyin edilən təcrübəli komissar Korrado Kattani xanımı və qızı ilə birlikdə adaya köçür.

Əvvəlki komissarın qətlini araşdıran Kattani asılılıqdan əziyyət çəkən Titti Peççi Şaloyya ilə tanış olur və zamanla ona aşiq olur. İşin dərinliklərinə endikcə komissar həmkarının ölümü ilə markizanın intiharı arasındakı gizli əlaqəni üzə çıxarmağa başlayır.

İtaliya, Fransa, Almaniya, Böyük Britaniya, İspaniya, Avstriya və İsveçin birgə istehsalı olan «La piovra» («Sprut») serialı 1984-cü ildə yayımlanıb və 10 mövsümdən ibarətdir. Ekran əsərinin rejissoru Damiano Damiani, baş rol ifaçıları isə Mikele Plaçido, Barbara De Rossi, Patrisiya Millarde və Nikol Jamedir.