Bang Baang

Udaypur şəhəri yaxınlığında insan cəsədinin qalıqları aşkar edilir və bu sirli cinayətin araşdırılması polis müfəttişi Miraya tapşırılır. Toplanan sübutlar göstərir ki, tapılan qalıqlar beş il əvvəl izsiz-tozsuz itkin düşmüş yerli kral ailəsinin şahzadəsi Ramonaya aid ola bilər. Hadisə yerindən tapılan şərf isə bütün şübhələri Miranın keçmiş sevgilisi Raqhunun üzərinə yönəldir.

«Bang Baang» serialında qətl ittihamı ilə üz-üzə qalan gənc oğlan günahsız olduğunu sübut etməyə çalışır. Rəsmi vəzifəsini icra edən Mira isə şəxsi hisslərini bir kənara qoyaraq keçmiş sevgilisinin izinə düşmək məcburiyyətində qalır. Araşdırma dərinləşdikcə keçmişin qaranlıq məqamları tədricən üzə çıxır.

Hindistan istehsalı olan bu döyüş və triller serialı 2021-ci ildə işıq üzü görüb. Ekran əsərinin rejissorları Shraddha Pasi Jairath və Baljit Singh Chaddha, baş rol ifaçıları isə Faisal Shaikh, Ruhi Singh və Qurprit Bedidir.