İki həftə

Həbsdən çıxdıqdan sonra günlərini məqsədsiz keçirən Daiti Yuuki keçmiş sevgilisindən gözlənilməz bir xəbər alır. Məlum olur ki, onun Hana adlı səkkizyaşlı bir qızı var və uşaq leykoz xəstəliyindən əziyyət çəkir. Balaca qızın sağ qalması üçün ilik köçürülməsi vacibdir və analizlər Daitinin donorluq üçün tam uyğun gəldiyini göstərir. Həkimlər əməliyyat vaxtını düz on dörd gün sonraya təyin edirlər.

Lakin proses ərəfəsində kişi nahaq yerə qətldə günahlandırılaraq həbs edilir. Şübhəli şəxs qismində saxlanılan Daiti başa düşür ki, vaxtında xəstəxanada olmasa, qızının həyatı təhlükəyə düşəcək. Belə vəziyyətdə o, təyin olunmuş əməliyyat gününə qədər sağ qalmaq və uşağı xilas etmək məqsədilə qaçmağa məcbur olur.

2019-cu ildə yayımlanan Yaponiya istehsalı olan «Two Weeks» adlı dram serialının rejissoru Keita Motohashidir. Baş qəhrəmanı Haruma Miura canlandırıb, qız rolunu isə Kurumi Inagaki oynayıb. Digər əsas rollarda Kyoko Yoshine və Manami Higa çəkiliblər.