Şampiyon

Rinqdə «Kafkas» ləqəbi ilə tanınan Fırat Bölükbaşı karyerasının ən yüksək zirvəsinə yaxınlaşaraq çempionluq kəməri uğrunda mübarizə aparırdı. Həlledici qarşılaşma günü isə gözlənilməz faciələrlə yadda qalır. Döyüş zamanı rəqibi həyatını itirir, eyni vaxtda isə Fıratın həyat yoldaşı ağır xəstəlikdən dünyasını dəyişərək dünyaya Günəş adlı oğlan uşağı gətirir. Ağır kədər və günahkarlıq hissi ilə yaşayan boksçu idmandan birdəfəlik uzaqlaşaraq özünü övladına həsr edir.

İllər sonra kiçik oğlunun anası ilə eyni nadir xəstəlikdən əziyyət çəkdiyi məlum olur. Uşağın müalicəsi üçün lazım olan böyük məbləği tapmaq adi yollarla mümkün deyil. Günəşi xilas etmək istəyən ata keçmişin ağrılarını kənara qoyaraq yenidən peşəkar rinqə qayıtmaq qərarına gəlir.

«Şampiyon» dram serialı 2019-cu ildə Türkiyədə istehsal olunub. Döyüş janrında çəkilən serialın quruluşçu rejissorları Ketçe və Devrim Yalçındır. Layihədə əsas obrazları Tolgahan Sayışman, Yıldız Çağrı Atiksoy, Erkan Avcı və İlayda Alişan canlandırıb.